О бесе, о творящем мечты пред человеки, живущее во градце.

Из книги: 
"Белов В.Н. Елабужский край на страницах печатных изданий Российской Империи. 
Библиографическое исследование. /- М: Издат. «Перо», 2014. – 428 с."

Полное Собрание Русских Летописей, изданное по Высочайшему повелению Императорскою Археографическою Комиссиею. т.19. История о казанском царстве (Казанский Летописец). СПб., типография И.Н.Скороходова, 1903 стр.67

О бесе, о творящем мечты пред человеки, живущее во градце.

К сему же третие знамение при мне же бысть, еще бо ми тогда в Казани живуща.

Бе не в коем улусе Казанском мал градец пуст, на брезе высоце Камы реки стоя, его же Русь именует бесов­ское градищо. В нем живяше бес, мечты творя от мно­го лет. И то бе еще старых Болгар молбище жертвенное. И зхожахуся ту людие мнози со всея земля Казанския, варвари и Черемиса, мужи и жены, жруще бесу и о по­лезней себе вопрашаху от ту сущих волхвов. Бес же аки овех от недуг исцеляше, и овех, с нерадением миную­щих его, умаряше, не пометнувших ему ничто же и пла­вающих рекою опроверзаше ладья и потопляше в реце, чюдо же, и от христьян неких погубляше, тем никто же смеяше проехати его, не поверхши мало что от рухла своего. И к вопрошающим ответы невидимо отдаяше жерцы своими, и комуждо их долголествие сказоваше, и смерть и здравие, и немощи и убытцы и на землю их пленение, и всяку скорбь. И на войну пошедше, жряху ему совопрашающеся с волхвы, аще с добытком или с четою возвратятся. Бес же проявляше им впред и сим прелщаша, овогда же и лгаше. И посла тогда царь самого Сеита Казанского вопрошати, аще одолеет Казань московский царь князь великий, или казанцы ему одо­леют, и до 10 дней павше на землю кляцаху и моляхуся ерея бесовския, не востающе от места и мало ядуще, да не умрут з гладу. Минув 10 дней, в полудни отозвася глас от беса в мечети, глаголюще, всем людем слыша­щим: «Что стужасте мне? Уже бо вам отныне несть на мя надежи, ни помощи ни мало от мене; отхожу бо от вас в пустая места, непроходная, прогнан христовою силою; приходит бо зде, со славою своею и хочет воцаритися в земли сей и просветити святым крещением». И по мале часе явися дым черн, велик, извнутрь градца, из мечети, на воздух идя, смрад зол. Из дыма же излете змий велик, огнен, и на запад полете, всем нам зрящим и чюдящим ся, и не видим бысть изо очию нашею. И разумевше все бывшее ту, яко исчезе живот их.

Тот же текст: «История о Казанском царстве неизвестного сочинителя XVI столетия по двум старинным спискам.  В СПб, иждивением Императорской Академии Наук, 1791 года»

Добавить комментарий

Войти с помощью: 

Ваш e-mail не будет опубликован. Обязательные поля помечены *